Wednesday, November 9, 2016

CNC ဆိုတာ


မြန်မာနိုင်ငံ အတွက် CNC ဟာ စိမ်းနေသေးတယ်လို့ အကြမ်းဖျဉ်းသိရပါတယ်။ ဒါကြောင့် CNC ရဲ့ အခြေခံ အချက်တွေနဲ့ အရမ်းခက်ခဲ တဲ့ ပညာကြီးတစ်ခု မဟုတ်ဘူးဆိုတာကို ပြောချင်တာနဲ့ ဒါလေးရေးဖြစ်ပါတယ်။ ပညာရပ်တိုင်းမှာ ဂရုထားရမယ့် အပိုင်း သေချာလေ့လာရမယ့် အပိုင်းတွေ ရှိစမြဲပါပဲ။

CNC ရဲ့ အရှည်ကောက်ကတော့ Computer Numerical Control ဖြစ်ပါတယ်။ ကွန်ပြူတာနှင့် ထိန်းချုပ် စေခိုင်းသော စနစ် လို့ အလွယ်ပြန်လို့ရပါတယ်။ လူ တစ်ယောက်အနေနဲ့ အနုစိတ် တဲ့ ကိစ္စ တစ်ခုကို သစ်သား၊ သံ စတဲ့ ပစ္စည်းတွေပေါ်မှာ ထွင်းတဲ့အခါ အားအင်စိုက်ထုတ်ရတဲ့အပြင် တိကျ သေသပ်မှုလည်း အားနည်းပါတယ်။ ဘယ်လောက်ပဲ တော်တဲ့ ပညာရှင်ဖြစ်ပါစေ။ ဒီစက်ဝိုင်းနဲ့ ဟိုစက်ဝိုင်း ထပ်တူရဖို့ အားအလွန်စိုက်ထုတ်ရမှာဖြစ်ပါတယ်။ CNC ကတော့ ကွန်ပြူတာ ထိန်းချုပ်မှုနဲ့ အတိအကျ လုပ်ပေးမှာဖြစ်လို့ အချိန်ကုန် လူသက်သာစေပါတယ်။ ဒါပေမယ့်လည်း စက်ကို လုပ်လိုက်ကွာ ဆိုပြီး ပြောယုံနဲ့ရမှာ မဟုတ်ပါဘူး။ အရင်ဆုံး ကိုယ်လိုချင်တဲ့ Drawing ကို ကွန်ပြူတာထဲကို ထည့်သွင်းပေးရပါမယ်။ ဒီနေရာမှာ Auto cad လို Software ကြားခံပြီး သုံးကြပါတယ်။

CNC စက် အမျိုးအစားပေါင်းများစွာရှိပါတယ်။ စက်ရုံကြီးတွေ မှာ သုံးတဲ့ အမျိုးအစား အကျဉ်းချုပ်ကတော့ ဒီလိုပါ။

·         CNC Plasma Cutting Machine
·         CNC Laser Cutting Machine
·         CNC Milling Machine
·         CNC Router Machine
·         CNC Lathe Machine

Software ထဲမှာ ဆွဲလိုက်တဲ့ စက်ဝိုင်း လေးထောင့် စတာတွေကို CNC စက်က သိသွားတဲ့အခါ သွားခိုင်းတဲ့ Path အတိုင်း သွားပါလိမ့်မယ်။ ဒီနေရာမှာ အခြေခံ အကျဆုံးကတော့ X, Y, Z လို့ခေါ်တဲ့ သွားရာလမ်းကြောင်းတွေပါပဲ။ X နဲ့ Y ကတော့ အလျားနဲ့ အနံ ဖြစ်ပြီးတော့ Z ကတော့ အမြင့် ဖြစ်ပါတယ်။ CNC မှာ တပ်ထားတဲ့ ထွင်း စက် ( ထွင်းစက် က အမျိုးမျိုးဖြစ်နိုင်ပါတယ်။ သစ်သားအတွက်၊ သံအတွက်၊ ပလတ်စတစ်အတွက်၊Head အမျိုးမျိုးဖြစ်နိုင်သလို လေဆာ Cutter တွေလည်းဖြစ်နိုင်ပါတယ် )။ ကိုယ် အသုံးပြုမယ့် သစ်သား သံ စတဲ့ ပစ္စည်းရဲ့ အထူ ကို Z နေရာမှာ ထည့်တဲ့အခါ CNC ရဲ့ Head က ပစ္စည်းရဲ့ မျက်နှာပြင်ပေါ်မှာ သွားနေမှာဖြစ်ပါတယ်။ X နဲ့ Y ကတော့ ကိုယ်လိုချင်တဲ့ ပုံစံ ရဲ့ စကေး အတိုင်း ထည့်ထားမယ် ဆိုရင် Head လည်ပြီး သွားနေတဲ့ ပုံစံအတိုင်း ထွင်းနေတဲ့ ပုံ ပေါ်လာမှာဖြစ်ပါတယ်။

အခြေခံအားဖြင့် CNC စက်တိုင်းဟာ အတူတူဖြစ်ပြီးတော့ စက်ကြီး ( စက်ရုံ အဆင့် ) တွေမှာတော့ ဒီဇိုင်းကွဲပြားပါတယ်။ ထွင်း တဲ့ စက်က အသေဖြစ်ပြီး ပစ္စည်း ကိုင်တဲ့ Vise (ပြုတ်တူ) က အရှင်ဖြစ်နိုင်သလို၊ စက်တစ်ခုထဲမှာ ထွင်း၊ အချောသတ်၊ အရောင်တင်၊ အရစ်ဖော်၊ မူလီချိုး စသည်ဖြင့် စက်လက်တံ များစွာပါတဲ့ Vise (ပြုတ်တူ) တွေလည်း ရှိပါတယ်။

DIY ( Do it Yourself ) ကိုယ်ပိုင် CNC တစ်ခု ကို စမ်းသပ်လုပ်ကိုင်နိုင်ဖို့ ရည်ရွယ်ပါတယ်။
အဓိက လိုအပ်တာကတော့ Step Motor သို့ Drive Motor လိုပါတယ်။ ကွန်ပြူတာနဲ့ Mortor ကြားမှာ နားလည် ဖို့အတွက် CNC Logic board ( ဆားကစ်ပြား ) လိုပါတယ်။ ဒါတွေကို အစုံလိုက်ဝယ်ယူနိုင်ပါတယ်။ Software ကတော့ Open Source ( Free – G-Wizard ကိုအသုံးများ ) ဖြစ်တာကြောင့် အင်တာနက်မှာ ရှာဖွေ ပြီး အသုံးချနိုင်ပါလိမ့်မယ်။

ဒါတွေကတော့ Free ရနိုင်တဲ့ CAD-CAM တွေပါ


Free CAD Software
A9 CAD


http://www.a9tech.com/products/a9cad/
Blender


https://www.blender.org/
eCabinet: 


http://www.ecabinetsystems.com/
gCAD3d


http://www.cadcam.co.at/freiter/gCAD3D_en.htm
Google Sketchup


https://sketchup.google.com/
GraphiteOne CAD


https://www.graphiteone-cad.com/
Minos


http://www.le-boite.com/minos.htm
Solid Edge Free 2D Drafting



http://www.solidedge.com/free2d/
Wings 3D



https://www.wings3d.com/

Free CAM Software


Free Mill: 



http://www.mecsoft.com/freemill.shtml
HSMExpress



http://www.hsmworks.com/hsmxpress/
G-Simple



https://www.gsimple.eu/
Heeks CAD/CAM



https://www.heeks.net/



ကျန်တာကတော့ မိမိရဲ့ လက်နဲ့ လုပ်ရမှာဖြစ်တဲ့ အထိုင် စနစ် ဖြစ်ပါတယ်။ ပုံမှန်အားဖြင့် အထိုင်စနစ် မှာ ထွင်းမယ့် ပစ္စည်းတင်ဖို့ အောက်ခြေ ခံပြား ( ကိုယ်ကြီးချင်သလောက် ရ ) ၊ ဘေးက ထိန်းတဲ့တန်း၊ Spindle ( ထွင်းစက် ) အထိုင်ချတဲ့ Z Axis၊ အတွက် နေရာ စသည်ဖြင့် လုပ်ရမှာဖြစ်ပါတယ်။ ပုံ ကို ကြည့်ရင်း ရှင်းပါလိမ့်မယ်။




အားလုံးကို ၃ ထပ် သား ၅ ထပ်သား နဲ့ အခြေခံ ထိုင်နိုင်ပြီးတော့ ဘောဘယ်ရင် အရစ်ပါ သံချောင်း စသည်ဖြင့် လိုပါလိမ့်မယ်။ ဒါကတော့ ပုံမှန် CNC စက်တစ်လုံးမှာ ပါမယ့် အစိတ်အပိုင်းတွေကို ပြထားတာပါ။



အသေးစိတ် သိလိုတာရှိရင် မေးမြန်းနိုင်ပါတယ်။

Video ကတော့ ဘယ်လို အလုပ်လုပ်တယ် ဆိုတာနဲ့ DIY လုပ်နိုင်ဖို့ လေ့လာရန်ဖြစ်ပါတယ်။











0 comments: